१६ मंसिर, विराटनगर । मोरङको ग्रामथान गाउँपालिकामा आजै मतगणना सुरु गर्ने तयारी गरिएको छ ।
उपनिर्वाचनअन्तर्गत मतदान सकिएलगत्तै प्रक्रिया पूरा गरी मतगणना गर्ने तयारी गरिएको छ । जसका लागि मतगणनास्थल तयार गरिसकिएको छ ।
अध्यक्ष पदका लागि भएको निर्वाचनमा मतदान सकिएपछि मतपेटिका संकलन हुनेछ । लगतै मतणना पनि सुरु गर्ने तयारी भएको मुख्य निर्वाचन अधिकृतको कार्यालयका सहायक निर्वाचन अधिकृत रामराज पौडेलले बताए ।
मतपेटिका संकलनपछि सर्वदलीय बैठक बसेर तुरून्तै गणना सुरू गर्ने तयारी भएको उनले बताए । उनका अनुसार दुईवटा टोली बनाएर मतणना गर्ने तयारी छ ।
