रफाह । इजरायलले वेस्ट बैंकमा शरणार्थी शिविर रहेको स्थानमा हवाई हमला गर्दा कम्तीमा ५ जनाको मृत्यु भएको छ । मर्नेमा दुई जना बालबालिका समेत रहेको प्यालेष्टिनी स्वास्थ्य मन्त्रालयले जनाएको छ ।
इजरायली रक्षा बल (आईडीएफ)ले पनि यो आक्रमणको पुष्टि गरेको छ । आक्रमण तुल्कराम शहर नजिक नुर शम्स क्याम्पमा भएको हो । अर्को एक जना भने बेथलहेम नजिक गोली लागेर मरेको बताइएको छ ।
यस घटनामा अरू तीन जना घाइते भएका थिए । आईडीएफले यी खबरहरुमाथि छानबिन गरिरहेको छ । अक्टोबर ७ मा हमासले दक्षिणी इजरायलमा हमला गरेलगत्तै गाजा युद्ध शुरु भएयता वेस्ट बैंकमा हिंसा बढेको छ ।
अक्टोबर ७ यता वेस्ट बैंकमा इजरायलले गरेको हवाई हमलामा २६ जना बालबालिकासमेत १२८ जना प्यालेष्टिनीको मृत्यु भएको बुधबार संयुक्त राष्ट्र संघ (यूएन)ले बताएको थियो ।
