जनकपुरको राममन्दिर प्रांगणमा तीन दिवसीय साहित्य महोत्सव हुने

जनकपुरधाम, फागुन ८ गते ।
जनकपुरधामको राम मनिदरमा तीन दिवसीय साहित्य महोत्सव हुने भएको छ । नव मिथिला फाउण्डेशनको आयोजनामा फागुन १० देखि १२ गतेसम्म साहित्य महोत्सव हुन लागेको हो ।
आयोजकले आज जनकपुरमा पत्रकार सम्मेलन गरी विभिन्न विषयमा १४ वटा समूह छलफल र ४ वटा प्रवचन समेटिएको जनाएको छ ।
‘चाहियो रंगशाला’, ’किताब उपर समिक्षा’, ‘कसरी हुन्छ निर्णय?’, ’नव उद्यमी र उद्यमशीलता’, ‘स्वास्थ्य मधेश’, ‘सम्पदा, संस्कार र साहित्य’, ’शिक्षाको नयाँ आवश्यकता र परिभाषा, ‘मधेशको श्रम यात्रा’, ‘बोज्ने स्वतन्त्रत’, ‘संस्कृतिक सम्बन्धको डोरी, मौन चित्कार र संघीयता गलत अभ्यास वा कमजोर परिकल्पना’ जस्ता १४ वटा शिर्षकमा विमर्श हुने आयोजक फाण्डेशनका अध्यक्ष अमित साहले बताए ।
उनका अनुसार तीनै दिन राष्ट्रिय तथा अन्तर्राष्ट्रिय कलाकारहरू सांगीतिक कार्यक्रम हुने छ। बिगत पाँच वर्षदेखि फाउण्डेशनले जनकपुरमा साहित्य महोत्सव गर्दै आएको छ ।
महोत्सव अन्तर्गत विगत तीन वर्षदेखि फाउन्डेखले बक्तृत्वकला प्रतियोगिता गराड़ स्थानीय विद्यार्थीलाई सर्वोत्कृष्ट अबसर दिँदै आएको फाण्डेशनले यसपटक वक्तृत्वकला, कविता र शिल्पकलामा पनि अवसर दिने अभ्यासको शुरुआत गरेको फाउण्डेशनका उपाध्यक्ष आदित्य नेपालले जानकारी दिए ।