गोपाल झा
महोत्तरी , असोज १० गते
महोत्तरीमा १९ बर्षीय युवकलाई छुरा प्रहार गरेर निर्ममतापुर्बक हत्या गरीएको छ ।
दसैंको अवसरमा लागेको दुर्गा मेलामा भएको सामनन्य विवादको निहुमा महोत्तरीको पिपरा गाँउपालीका ५ हरदिया टोल बस्ने राजनारायनन पासमानको १९ बर्षीय छोरा आशिक भन्ने बसन्त पासमानको बिहिबार हत्या भएको हो ।
छाती र पेटमा गरी तिन ठाँउमा छुरा प्रहार गरी पासमानको हत्या गरेको आरोपमा दुईजना भारतीय नागरिकलाई प्रहरीले पक्राउ गरेर सार्बजनिक गरेका छन् ।
बिहिबार बिहान पासमानको शव स्थानीय जगदीश साहको खेतमा फेला परेको थियो । सोही घटनामा संलग्न भएको आरोपमा प्रहरीले दुईजना भारतीय नागरिकलाई पक्राउ गरी सार्वजनिक गरेको हो ।
भारतको बिहार राज्य जिल्ला मधुबनि जयनगर घर भएको अं. बर्ष १९ को दिपक मलिक र मधुबनि साहारघाट बसबरिया घर भएको अं. बर्ष १८ को अमित मल्लिकलाई पक्राउ गरिएको जिल्ला प्रहरी कार्यालय महोत्तरीका प्रवक्ता डिएसपी दिलीपकुमार गिरिले जानकारी दिए ।
प्रहरीले आरोपी युवाहरूले पासमानको हत्यामा प्रयोग गरेको छुरा , रगत लागेको आरोपीले हत्या गरेको समयमा लगाएको लुगा समेत बरामद गरेको छ ।
आरोपी युवा पिपरा गाउँपालिका- ५ स्थित आफ्नो मामा सुरेश मल्लिकको घरमा बस्दै आएका थिए । बाजार मेलामा पाईने पचास रुपैयाको घाँटीमा लगाउने चेन लगाएर फोटो खिच्ने बिषयमा विवाद हुँदा हत्या गरेको आरोपीले स्विकारेको प्रवक्ता गिरीले बताए ।
शव पोस्टमार्टमका लागि प्रादेशिक अस्पताल जनकपुरमा राखिएको छ । घटनाबारे थप अनुसन्धान भइरहेको प्रहरीले जनाएको छ ।
