नगर पत्रकार संजाल गठनप्रति आपति जनाउँदै गौशालाका पत्रकारहरुले बुझाए नगरप्रमुखलाई ज्ञापनपत्र

प्रक्रिया नपुर्याईकन गौशालामा नगर पत्रकार संजाल गठन गरिएको घटनाप्रति आपति जनाउँदै गौशालाका पत्रकारहरु नगर प्रमुख समक्ष ज्ञापनपत्र बुझाएका छन् । विहीबार गौशाला कार्यक्षेत्र रहने गरि कार्यरत रहेका ११ जना पत्रकारहरु नगरप्रमुख शिवनाथ महतोलाई ज्ञापनपत्र बुझाएका हुन ।
गत पुस २२ गते वुधबारका दिन आपसि सहमति बेगर प्रक्रिया नपुगाईकन नगर पत्रकार संजाल गठन गरेको भन्दै यहाँका पत्रकारहरु आपति जनाउँदै ज्ञापनपत्र बुझाएका हुन
गौशाला नगरपालिकाको सभाहलमा विरोधको वावजुद द पव्लिक टुडेका अध्यक्ष रामनारायण महतोलाई संयोजक पद चयन गरिएकोप्रति पत्रकारहरुको घोर आपति रहेको सो ज्ञापनपत्रमा उल्लेख गरिएको छ ।
यसरी पुर्वाग्राही भई गठन भएको सो संजाल एकलौटी ढंगले गठन गरिएकोले सवैको सहमतिमा नगर पत्रकार संजाल गठनको लागि माग समेत गरिएको छ ।
ज्ञापनपत्र बुझाउनेमा रेडियो रुपान्तरणका नागेन्द्र साह, धनवीर महतो, शिरिष अनलाईनका धर्वेन्द्र कुमार यादव, महोत्तरी टुडे अनलाईनका धर्मेन्द्र कुमार यादव, नरेन्द्र सिंह लगायत रहेका थिए ।