सवारीको ठक्करबाट ढल्केवरका युवा व्यापारीको मृत्यु

विजयकुमार साह
ढल्केवर (धनुषा)
धनुषाको ढल्केवरका युवा व्यापारी पञ्चदेव साहको सवारी दुर्घटनामा मृत्यु भएको छ । धनुषाको बडहरीस्थित राजमार्ग सडकमा व्यापारी साह सवार मोटरसाइकलमा नम्बर नखुलेको सवारीले ठक्कर दिंदा उनको मृत्यु भएको हो ।
सोमबारी राति राति १० बजेतिर ज ७ प ५९८६ नम्बरको मोटरसाइकलमा सवारीमा सवार मिथिला नगरपालिका वडा नं. ६ बस्ने अन्दाजी ३८ बर्षिय युवा व्यापारी साह ढल्केवरबाट पश्चिमतर्फ गइरहेको अवस्थामा नम्बर नखुलेको सवारीले ठक्कर दिइएको थियो ।
ठक्करबाट सख्त घाइते साहलाई तत्कालै उपचारका लागि प्रादेशिक अस्पताल जनकपुर पुरयाएपनि डाक्टरले उनलाई मृत घोषण गरेका थिए ।
ढल्केवरका युवा व्यापारी पञ्चदेव साहलाई ठक्कर दिएर फरार रहेका सवारीलाई प्रहरी प्रशासनले मंगलबार बिहानसम्म पनि बरामद नगरेको बिरोधमा ढल्केवरका स्थानीयबासीले पूर्व–पश्चिम र जनकपुर सडक खण्ड करिब एक घण्टा अबरुद्ध गरेको थियो । फरार सवारीलाई यथासिघ्र पक्राउ गर्न माग गर्दै स्थानीयबासीले सडक अबरुद्ध गरेका थिए ।
ठक्कर दिएर हालसम्म फरार रहेको सवारीलाई पक्राउ गर्न तीब्र रुपमा खोजीकार्यमा लागेको र जसरी पनि छिट्टै पक्राउ पर्ने आश्वासन ईलाका प्रहरी कार्यालय ढल्केवरका प्रहरी निरिक्षक तिर्थ काकीले दिएपछि सडक जाम खोलिएको थियो ।