वीरगञ्जमा कोरोनासंक्रमणबाट थप एक जनाकाे मृत्यु

प्रतिक्षा खबर
वीरगञ्ज, भदौ ७ गते ।
कोरोना संक्रमणबाट वीरगञ्जमा थप एक महिलाको उपचारका क्रममा मृत्यु भएको छ ।
शनिबार राति संक्रमणका कारण वीरगञ्ज महानगरपालिका ११ बस्ने ५६ वर्षीय महिलाको मृत्यु भएको जिल्ला प्रशासन कार्यालय पर्साले जनाएको छ ।
संक्रमण पुष्टि भइ वीरगञ्ज हेल्थ केयर कोरोना अस्थायी अस्पतालमा भर्ना भएकी ती महिलाको उपचारको क्रममा शनिबार राति साढे ७ बजे मृत्यु भएको पर्साका प्रमुख जिल्ला अधिकारी अस्मान तामाङले जानकारी दिए ।
गत साउन २२ गते ती महिलाको स्वाव संकलन गरी पीसीआर परीक्षण गर्दा साउन २४ गते उनमा कोरोना संक्रमण पुष्टि भएको थियो ।
ज्वरो खोकी, थाइराइड तथा स्वासप्रस्वासमा सम्स्या रहेकी ती महिलालाई साउन २४ गतेदेखि नै आइसीयूमा भर्ना गरेर उपचार हुँदै आएकोमा पछिल्लो १२ घण्टादेखी भेन्टिलेटरमा राखेर उपचार गरिएको थियो ।
मृतक महिलाको कुनै ट्राभल हिस्ट्री समेत नरहेको उनले बताए । यो सँगै पर्सामा कोरोनाबाट मृत्यु हुनेको संख्या २९ पुगेको छ ।