नितेश यादव-
जनकपुरधाम, वैशाख ८ गते ।
धनुषामा घरायसी विवादमा छोराले बुवालाई रड प्रहार गरी हत्या गरेका छन् ।
आइतबार राति १० बजेको समयमा धनुषाको शहिदनगर नगरपालिका ९ मा बुवा छोराबीच विवाद हुँदा टाउकोमा फलामको रड प्रहार गरी बुवाको हत्या गरेको हो ।
इलाका प्रहरी कार्यालय यदुकोहाका अनुसार अन्दाजी ५५ वर्षीय सौखिया सादालाई उनका आफ्नै छोरा अन्दाजी २८ वर्षीयको नथुनी सदाले टाउकोमा रड प्रहार गर्दा उनको घटनास्थलमै मृत्यु भएको थियो । घटना पश्चात फरार भएको हत्या गर्ने नथुलाई केही बेरमै पक्राउ गर्न सफल भएको यदुकोहाका प्रहरी निरीक्षक दीपकबाबु केसीले बताए ।
धनुषा प्रहरीले घटनाबारे थप अनुसन्धान भइरहेको जनाएको छ । सभार टुडेपाटी
