पिपरा गाउँपालिकामा जसपा नेपालकाे प्रारम्भिक मतगणनामा लियाे अग्रता

महोत्तरीको पिपरा गाउँपालिकामा नेकपा एमालेबाट उम्मेदवार बनेका निवर्तमान अध्यक्ष विक्रम चौधरी प्रारम्भिक मतगणनामा निकै पछाडि देखिएका छन् ।
यो गाउँपालिका जनता समाजवादी पार्टीका उम्मेदवारले अग्रता लिएका छन् । जसपा र लोसपाबीच प्रतिस्पर्धा देखिएको छ ।
जसपाका उम्मेदवार रामजानकी यादवले ९५ मत ल्याउँदा लोसपाका अमितकुमार पाण्डेयले ७२ मत ल्याएका छन् ।
नेपाली कांग्रेसका राधारमण मिश्रले १४ मत ल्याएका छन् भने नेकपा माओवादी केन्द्रका अमितकुमार झाले ४७ मत ल्याएका छन् ।
त्यसै गरी नेकपा एमालेका विक्रम चौधरीले जम्मा २१ मत ल्याएका छन् ।
उपाध्यक्षमा जसपाकी वन्दना पाण्डेयले ८६ मत ल्याएकी छन् भने लोसपाकी रविता कुमारीले ६८ मत ल्याएकी छन् ।
नेकपा एमालेकी उम्मेदवार रहेकी निवर्तमान उपाध्यक्ष ननुकुमारी दासले २० मत ल्याएकी छन् । माओवादी केन्द्रकी चन्द्रदेवी महराले ४५ मत ल्याएकी छन् ।