महोत्तरीमा करेन्ट लागेर १० वर्षीय बालकको मृत्यु

गोपाल झा
महोत्तरी ,१० बैशाख
महोत्तरीका करेन्ट लागेर एकजना बालकको मृत्यु भएको छ ।
धनुषा घर रहेको र हाल महोत्तरीको भंगहा नगरपालिका-६ हातिसर्वामा मामा घर बस्दै आएका राम अशिष महतोको १० वर्षीय छोरा शिव महतोको करेन्ट लागेर मृत्यु भएको जिल्ला प्रहरी कार्यालय महोत्तरीले जनाएको छ ।
शनिवार दिउँसो करिब २ बजे शिव मन्दिरको छेउमा रहेको पानी खाने कल चलाउने क्रममा बालकलाई करेन्ट लाग्दा घटना स्थलमै मृत्यु भएको जिल्ला प्रहरी कार्यालय महोत्तरीका प्रहरी प्रवक्ता प्रहरी नायव उपरीक्षक प्रकाश विष्टले जानकारी दिएका हुन् ।
उक्त पानी खाने कलमा मोटर जडान भएको हुँदा अचानक करेन्ट लागी मृत्यु भएको बालकको शवलाई पोष्ट मार्टमको लागी प्रादेशिक अस्पताल जलेश्वरमा पठाईएको, तथा यस सम्बन्धमा थप अनुसन्धान भईरहेको जिल्ला प्रहरी कार्यालय महोत्तरीले जनाएको छ ।