प्रवक्तासमेत रहेका प्रहरी नायव उपरीक्षक टेकबहादुर रावतले २४ जनाका आफन्तहरूले सम्पर्क गरेर सम्पर्कबिहीन रहेको सूचना दिएको जानकारी दिए ।
‘रसुवा बाढीपछि २४ जना आफन्तहरूले फोन गर्नुभएको छ,’ उनले अनलाइनखबरसँग भने, ‘त्यसमा नेपाल प्रहरी, नेपाली सेना, हाइड्रोमा काम गर्ने कामदारहरू हुनुहुन्छ ।’
प्रवक्ता रावतका अनुसार बैतडी र डडेल्धुराका तीन जनाका आफन्तहरूले पनि जिल्ला प्रहरी कार्यालयमा सम्पर्कबिहीनको सूचना दिएका छन् ।
कञ्चनपुर प्रहरीले सूचना जारी गर्दै बाढी प्रभावित क्षेत्रमा रहेका र सम्पर्कमा नआएका व्यक्तिको खोजी तथा उद्धारको सहजीकरणका लागि भन्दै ६ वटा नम्बर सार्वजनिक गरेको थियो ।
रसुवाको भोटेकोशी नदीमा आएको बाढीबाट प्रभावित जिल्लामा कामको सिलसिलामा रहेकाहरूका आफन्तले ती नम्बरहरूमा फोन गरेर प्रहरीलाई जानकारी दिएको प्रवक्ता रावतले जानकारी दिए ।
