औरही नगरपालिका वडा ४ कठुधारबाट लागुऔषध सहित दुइ जना युवक पक्राउ

कठुधार चाैकिका प्रहरीले लागुऔषध सहित दुइ जना युवकलाई पक्राउ गरेको छ । महाेतरी जिल्लाको औरही नगरपालिका वडा नम्बर ४कटुधारबाट खटेको प्रहरी टोलीले शनिबार एक यात्रुवाहक बसलाई चेकजाँचको क्रममा लागुऔषध सहित दुइ जनालाई पक्राउ गरेको हो ।
माईस्थान सम्सी सडक खण्डमा सम्सीबाट बर्दिवास तर्फ जादैगरेकाे ना.४ ख. ३९५० नं. को बसलाई चेकजांच गर्ने क्रममा बसमा सवार महोत्तरीको बर्दिवास नपा–७का २२ वर्षीय संजय परियार र उदयपुरको कटारी नपा–६का १९ वर्षीय अजय नेपालीलाई पक्राउ गरिएको जिल्ला प्रहरी कार्यालय महोत्तरीले जनाएको छ ।
प्रहरीले परियारको साथबाट प्रतिबन्धित लागु औषध नाइट्राभेट दश लेखिएको ३० ट्याब्लेट र अजय नेपालीको साथबाट नाइट्राभेट दश लेखिएको १५ वटा ट्याब्लेट गरी जम्मा ४५ ट्याब्लेट लागुऔषध बरामद गरेको हो ।