पर्यटन प्रवद्र्धनका लागी एकीकृत योजना निर्माण आवश्यक

जनकपुरधाम, असोज १२ । जनता समाजवादी पार्टीका अध्यक्ष एवं पूर्व उपप्रधानमन्त्री उपेन्द्र यादवले प्रदेश २ को पर्यटन प्रवद्र्धनका लागी एकीकृत योजना निर्माणमा जोड दिनु भएको छ ।
होटेल तथा पर्यटन व्यवसायी महासंघ प्रदेश २ ले आज होटेल वेलकममा आयोजना गरेको पर्यटन प्रवद्र्धन सम्बन्धि छलफल कार्यक्रममा अध्यक्ष यादवले
धार्मिक पर्यटनको पर्याप्त सम्भावना बोकेको प्रदेश नं. २मा खुद्रा विकास ले पर्यटन प्रवद्र्धन सम्भव नरहेको उल्लेख गर्नु हुँदै प्रदेश सरकारले एकीकृत योजना बनाउनु पर्नेमा जोड दिनु भयो ।
धार्मिक र एतिहाँसिक पर्यटन विश्व भरि मै पर्यटनको ठुुलो हिस्सा ओगटेको उल्लेख गर्नु हुँदै अध्यक्ष यादवले पर्यटक भित्र्याउन सक्ने सम्भावना बोकेका प्रदेश भरिकै धार्मिक तथा एतिहाँसिक स्थलहरुलाई समेटेर एकीकृत योजना बनाउन प्रदेस सरकारलाई आग्रह गर्नु भयो ।
कार्यक्रममा मुख्यमन्त्री लालबाबु राउतले प्रदेश सरकारले पर्यटन प्रवद्र्धनको लागी प्रदेशका मुख्य धार्मिक तथा एतिहाँसिक स्थलहरुमा विकास निर्माणको काम शुरु गरि सकेको र अगामी दिनमा एकीकृत योजना नै बनाएर अघि बढने बताउनु भयो ।
प्रदेश सरकारले नीति तथा कार्यक्रममा प्राथमिकताका साथ समावेश गरेको पर्यटन प्रवद्र्धन लागी हरेक पक्ष संग सहकार्य गर्न सरकार तयार रहेको उहाँको कथन थियो ।
कार्यक्रममा अर्थमन्त्री शैलेन्द्र साह पर्यटकीय विकासमा अर्थको आभाव हुन नदिने प्रतिवद्धता समेत व्यक्त गर्नु भयो ।
कार्यक्रममा प्रमुख सचिव हरि प्रसाद मैनाली, अर्थ मन्त्रालयका सचिव, उद्योग, वन तथा पर्यटन मन्त्रालयका सचिव, मुख्यमन्त्रीका प्रमुख स्वकीय सचिव जीतेन्द्रकुमार यादव, होटेल तथा पर्यटन व्यवसायी महासंघ प्रदेश २का बरिष्ठ सल्लाहकार युवराज लामा, विजय कुमार झुनझुनवाला, अध्यक्ष हिरा गौतम, उपाध्यक्ष विष्णु साह, महासचिव मोहन शर्मा, कोषाध्यक्ष वैकुण्ठ सापकोटा सहितको उपस्थिति रहेको थियो ।