सेनाको गाडीको ठक्करबाट मोटरसाइकल चालकको मृत्यु

शुभ नारायण यादव
सप्तरी , पुस २२ गते ।
नेपाली सेनाको गाडीको ठक्करबाट अाज सप्तरीमा एकजनाको मृत्यु भएको छ ।
मोटरसाइकलमा सवार सप्तरीकाे अग्नीसाइर कृष्णासवरण गाउँपालिका वडा न. २ का ६५ वर्षीय रामचन्द्र चौधरीको मृत्यु भएको हो ।
पूर्व पश्चिम राजमार्ग अन्तरगत सप्तरीको रुपनी गाउँपालिका वडा न.-१ रुपनी चोकमा सेनाको बा.१ ग १९८१ नम्बरको वानटन गाडीले स ५ प ५०७६ नम्बरको मोटरसाइकललाई ठक्कर दिँदा उक्त दुर्घटना भएको प्रहरीले जनाएको छ ।
ठक्करबाट गम्भीर घाइते भएक चौधरीलाई उपचारका लागि गजेन्द्रनारायण सिंह अस्पताल राजविराज ल्याउँदै गर्दा बाटोमै मृत्यु भएको जिल्ला प्रहरीले कार्यालय सप्तरीले जनाएको छ ।
नेपाली सेनाको सूर्यदल गण विराटनगरबाट भैरव दल गण ललितपुरका लागि अदलीबदली गर्न ३२ जनाको टोली लिएर जाँदै गरेको वानटनले मोटरसाइकललाई ठक्कर दिएको थियो ।
ठक्कर दिने गाडी र चालक प्रहरीकाे नियन्त्रणमा रहेकाे तथा घटनाकाे थप अावश्यक अनुसन्धान कार्य भइरहेको सप्तरी प्रहरीले जनाएको छ ।