समग्र अामसंचारको विकासका लागि काम गर्न तत्पर छु- अध्यक्ष यादव

सुधा देव
राजविराज
अाम सञ्चार प्राधिकरणका अध्यक्ष श्यामसुन्दर यादवले
प्रदेशको मिडियालाई व्यवस्थित गर्नुपर्ने बताएका छन्।
नेपाल पत्रकार महासंघ सप्तरीका सभाहलमा अायोजित पत्रकार भेटघाट कार्यक्रममा बोल्दै अध्यक्ष यादवले भने -“समग्र रूपमा अामसंचारको विकासका लागि काम गर्न तत्पर छु ।” पत्रकार भएर लामो समय सम्म काम गरेकोले पत्रकारको समस्यालाई नजिकैबाट अंगाली सकेकोले उनीहरूको हकहितका लागि काम गर्न प्रतिबद्ध छु।अाम संचारसंग अाफ्नो लगाब रहेको र जहिले पनि रहिरहने यादवको भनाइ छ।
संस्थापकको रूपमा अाउन पाउँदा समस्या र अवसर दुबै छ।गर्नु पर्ने कामहरू धेरै रहेकोले चुनौती पनि उतिकै रहेकोले सबैको सहयोग र सहकार्य अावश्यक छ।
सप्तरीको पत्रकारिताको छुट्टै पहिचान रहेको छ।
अधिकार प्राप्तिको अान्दोलनमा सप्तरीको पत्रकारले अहम भुमिका खेल्दै अाएको अध्यक्ष यादवको भनाइ रहेको थियोे ।
अाम संचार प्राधिकरणको संचार माध्यमको अभिलेख राख्ने, अनुमती दिने,व्यवस्थित गर्ने लगायत थुप्रै जिम्मेवारी रहेको अध्यक्ष यादवले बताए।
अध्यक्ष यादवले भने -“प्रदेश सरकारको अाफ्नै मिडिया हुनु जरुरी छ। चाँडै एफएम संचालनको प्रक्रिया अगाडि बढाउँछौं।”
जिल्ला जिल्लामा गएर अग्रजहरूसंग सल्लाह लिएर अघि बढेने प्रतिबद्धता समेत व्यक्त गरे।
कार्यक्रममा मिडिया काउन्सिलका अध्यक्ष शिवहरी प्रसाद भट्टराईले
संचार क्षेत्रको बिकासका लागि संचारकर्मीहरुको
अहम भूमिकामा रहेकोले उनीहरूले अाफ्नो सक्रिय भुमिकाबाट पन्छिन नमिल्ने बताए । उनले प्रदेश २ को सरकारले विश्वास गरेर दिएको जिम्मेवारी बहन गर्न पछि नपर्ने प्रतिबद्धता समेत ब्यक्त गरे
कार्यक्रममा पत्रकार महासंघका केन्द्रीय सदस्य अबधेश झाले स्वरोजगार पत्रकारितालाई जीवन्त राख्न पत्रकार ,अामसंचार मिडिया प्राधिकरण र मिडिया काउन्सिल जिम्मेवार हुनुपर्ने बताए।
नेपाल पत्रकार महासंघ सप्तरीका पूर्व अध्यक्ष मुरली प्रसाद यादवले अध्यक्ष द्वयको कार्यकालमामा नमुना कार्य हुने विश्वास व्यक्त गरे।
अाठ जिल्लाको सञ्चार माध्यमको दयनीय व्यवस्था रहेकोले संचारमाध्यमको अवस्था सबल बनाउन अध्यक्ष द्वयले महत्त्वपूर्ण भूमिका खेल्नु पर्ने बताए ।