बिरामी बोकेको एम्बुलेन्स दुर्घटना हुँदा एक जनाको मृत्यु, तीन घाइते

शुभनरायण यादव-
सप्तरी, मंसिर १६ गते ।
सप्तरीमा विरामी बोकेको एम्बुलेन्स दुर्घटना हुँदा एकजनाको घटनास्थलमै मृत्यु भएको छ ।
तिलाडी कोइलाडी गाउँपालिकाबाट उपचारको लागि विरामीलाई विराटनगर लेजादैँ गरेको एम्बुलेन्स सोमवार दुर्घटनामा पर्दा अन्य तीनजना घाइते समेत भएका छन् ।
तिलाठी कोइलाडी गाउँपालिका –२ लौनियाँबाट विरामी बोकेर विराटनगरजाँदै गरेको स १ च ११२२ नम्बरको एम्बुलेन्स सडकमा रोकिएको एम ०१–एल–०३३६ ट्रलीमा ठोकिदा दुर्घटना भएको हो ।
दुर्घटनामा सप्तरीको तिलाठि कोइलाडि गाउपालिका वडा न.२ लौनियाँका ६५ वर्षीय ननुलाल मण्डलको मृत्यु भएको प्रहरीले जनाएको छ।
दुघृटनामा मृतक मण्डलका ३० वर्षीय छोरा जितेन्द्र मण्डल, ५० वर्षीय भाई रामसुन्दर मण्डल र ४५ वर्षीया पत्नी भोलिदेवी मण्डल घाइते भएका छन् ।
उनीहरुलाई उपचारका लागि विराटनगरस्थित नोवेल अस्पतालमा भर्ना गरिएको छ । यता ठक्कर दिने एम्बुलेन्स तथा ट्रली चालक फरार रहेकोले उनिहरुको खोजी कार्य तिव्र रुपमा भईरहेको जिल्ला प्रहरी कार्यालय सप्तरीले जनाएको छ ।