२ बर्षदेखि बालिकामाथि यौन दुर्व्यवहार गर्ने एक प्रिन्सिपल प्रहरीको फन्दामा

कपिलवस्तु : कपिलवस्तुमा बालिकामाथि यौन दुर्व्यवहार गर्ने एक प्रिन्सिपललाई प्रहरीले नियन्त्रणमा लिएको छ । बुद्धभुमी नगरपालिका वडा नंं. १० भगवानपुरमा रहेको बुद्ध ज्ञान ज्योति इङ्लिस बोर्डिङ स्कुलका प्रिन्सिपल मिमि भनिने मोहम्मद हुसेनलाई इलाका प्रहरी कार्यालय गोरुसिङ्गेले मङ्गलवार पक्राउ गरेको थियो ।
जिल्ला सदरमुकाम तौलिहवा बस्दै आएका हुसेनलाई स्थानीयले विद्यालयबाट नियन्त्रणमा लिई इलाका प्रहरी कार्यालय गोरुसिङ्गे लाई खबर गरेका थिए । गोरुसिङ्गेका प्रहरी निरीक्षक कृष्ण राना मगरले यौन दुर्व्यवहारको विषयमा थप अनुसन्धान भएको बताएका छन् ।
प्रहरीका अनुसार हुसेनले विद्यालयको कक्षा ३ मा पढ्ने ११ वर्ष की वालिका माथि यौनजन्य दुर्व्यवहार गरेका थिए । हाल एक वालिका माथि यौन दुर्व्यवहार गरेको आरोप लागेको छ । घटनाको पुरा विवरण थप अनुसन्धान पछि पत्ता लाग्ने प्रहरीको भनाई थियो । प्रिन्सिपलले बालिकाहरूलाई आफ्नो कार्यकक्षमा बोलाएर नग्न बनाएर सुत्न लगाउने , यौन अङ्गहरू चलाउने र आफ्ना यौन अङ्ग चलाउन लगाउने गर्दै आएका पीडित बालिकाले बताएका छन् ।
कपिलवस्तु नगरपालिका बस्ने ११ वर्षकी वालिका पढ्नका लागी सोमवार विद्यालयमा पुगेकी थिइन । पिन्सिपलले यौन दुर्व्यवहार गरे डराएकी ती वालिकाले शनिवार मात्र आफ्ना आमा सँग घटनाको बारेमा बताएकी थिइन । बुवा आमाले थाहा पाए पछि प्रिन्सिपलको कर्तुत बाहिर आएको थियो । उनीमाथि कक्षा २ मा पढ्दै गर्दाबाट प्रिन्सिपल हुसैनले दुर्व्यवहार गर्दै आएका थिए । घटना लुकाउनका लागी हुसेनले बालिकाहरूलाई डर त्रास समेत देखाउँदै आएका थिए । आँखामा पट्टी लगाएर कार्यालयको ढोका र झ्याल बन्द गरी कक्षा २ मा पढ्दा देखी कपडा खोल्न लगाई यौन दुर्व्यवहार गरेको पीडित वालिकाले बताइन