बलात्कारको घटना मिलाइदिएपछि पीडित महिलाले गरिन आत्महत्या : पन्च र आरोपी पक्राउ

प्रतिक्षा खबर
जनकपुरधाम, असोज २ गते ।
सप्तरीमा सामूहिक बलात्कारको घटना मिलाइदिएपछि पीडितद्वारा आत्महत्या गरेको घटनामा प्रहरीले पन्च, स्थानीय र आरोपीलाई पक्राउ गरेका छन् ।
प्रहरीले पन्च र स्थानीयहरु ६५ वर्षीय जयकान्त मण्डल, ६० वर्षीय बासुदेव मण्डल र ५० वर्षीय सत्यनारायण मन्डललाई पक्राउ गरेको छ। बलात्कारका आरोपीहरु १९ वर्षीय बब्लु भनिने सुमन मण्डल र १८ वर्षीय रन्जित मण्डललाई पक्राउ गरेको छ ।
डान्केश्वरी नगरपालिका-७ मा १८ वर्षीया किशोरीले भदौ ३० गते राती साढे २ बजे आफ्नै घरमा झुन्डिएर आत्महत्या गरेकी थिइन् । उनीमाथी चार जनाद्धारा भएको सामूहिक बलात्कारको घटनामा गाउँमै पन्च र स्थानीयहरुको मिलेमतोमा घटनालाई साम्य पारिएको दिनको राती किशोरीले आत्महत्या गरेकी थिइन् ।
सामूहिक बलात्कारका आरोपीमध्ये दुई जना फरार छन् । पक्राउ परेकाविरुद्ध जबर्जस्ती करणी र आत्महत्या दुरुत्साहन मुद्धामा अनुसन्धान भइरहेको प्रहरीले जनाएको छ ।टुडेपाटी डटकम