धनुषामा पहिलोपटक कोरोनाबाट एक व्यक्तिको मृत्यु

प्रतीक्षा खबर
जनकपुरधाम, साउन ११ गते
धनुषामा पहिलोपटक कोरोनाबाट एक व्यक्तिको मृत्यु भएको छ । धनुषाको सहिदनगर नगरपालिका डुमरियाका ३८ वर्षीय पुरुषको कोरोना संक्रणबाट आइतबार मृत्यु भएको हो ।
उनलाई उपचारको लागि विपी कोइराला स्वास्थ्य विज्ञान प्रतिष्ठान धरान लैजाँदै गर्दा बाटोमै मृत्यु भएको प्रादेशिक अस्पताल जनकपुर स्रोतले टुडेपाटीलाई जानकारी दिएको छ । अत्यधिक ज्वरो, रुघा, खोकी जस्ता कोरोनाको लक्षण देखिलक्षण देखिएपछि उनलाई शनिबार प्रादेशिक अस्पतालमा अस्थापना गरिएको कोरोना विशेष अस्पतालको आइसोलेशनमा भर्ना गरिएको थियो ।
अत्यधिक कोरोना भाइरसको पाइएका ती व्यक्तिको यहाँ उपचार सम्भव नभएपछि उनलाई थप उपचारको लागि आइबार धरान लैजाँदै गर्दा सिरहा पुगेपछि बाटोमै ज्यान गएको अस्पताल स्रोतले जानकारी दिएको छ । ती व्यक्तिको शव व्यवस्थापनको लागि जनकपुर ल्याउन लागिएको जनाएको छ । योसंगै नेपालमा कोरोना संक्रणबाट मृत्यु हुनेको संख्या ४६ पुगेको छ ।