सुनिता महतो, महोत्तरी
महोत्तरी, बैशाख १३ गते । गौशाला नगरपालिकाको कार्यालयले राहत वितरण गर्ने क्रममा वडा नंं ४ मा घटिएको घटनाको सम्बन्धमा सम्वन्धित सरोकारवाला निकायसँग स्पष्टिकरण माग गरेका छन ।
शनिवार विहान नगरको सभाहलमा वसेको अनुगमन समितिको निर्णय अनुसार राहत वितरणको क्रममा के कति कारणले त्रृटि भएको हो सो सम्बन्धमा वडा कार्यलयसँग लिखित माग गरेका हुन ।
वडा कार्यलयले आईतवारसम्म सो सम्वन्धमा नगरपालिकालाई लिखित रुपमै स्पष्टीकरण पेश गर्नेछ नगरप्रवक्ता भोजवहादुर दर्ला्मिले बताए । त्यस्तै राहत सामग्रि खरिद गर्नेे क्रममा प्रत्यक्ष संलग्न रहेका खरिद समिति, विक्रेतालाई समेत यथासिघ्र जवाफ माग गरेको नगरप्रवक्ता दर्ला्मिले जानकारी दिएका छन ।
राहतको नाममा वडा नं ४ मा वितरण गरिएको खानेतेलको नमुना परिक्षणका लागि जनकपुरस्थित खाद्य गुणस्तर तथा प्रविधि कार्यलय आज नै पठाएको नगरप्रवक्ता दर्ला्मिले बताए ।
४ न वडामा राहत वितरण गर्ने क्रममा खानेतेलको नाममा अमृत व्राण्डका पालम तेल वितरण गर्दा व्यापक रुपमा स्थानियले असन्तुष्टि जनाएपछि नगरपालिकाले कदम उठाईएको हो ।
