जनकपुरधाम, चैत १७ । भारतीय दुतावासको सहयोगमा निर्माणमा चितवनको रत्ननगर ६ स्थित बछौली माध्यमिक विद्यालयको भवन निर्माणको शिलान्यास गरिएको छ ।
विद्यालयमा आज आयोजित एक कार्यक्रम बीच भारतीय महावाणिज्य दुतावास वीरगंजका महावाणिज्य दुत देवी सहाय मिना र रत्ननगर नपाका प्रमुख प्रह्लाद सापकोटाले संयुक्त रुपमा सो विद्यालय भवनको शिलान्यास गरेका हुन ।
सामुदायिक विकास परियोजना अन्तर्गत साढे तीन करोडको लागतमा निर्माण हुने सो विद्यालय भवन सुविधा सम्पन्न हुने महावाणिज्य दुतावास बीरगंजले जनाएको छ ।
सन् २००३ यता भारत सरकारले नेपालको विभिन्न क्ष्ेत्रमा ५६३ भन्दा बढी परियोजना मध्ये ४सय ९५ परियोजना सम्पन्न भईसकेका र उक्त परियोजनाहरु मध्ये १० वटा चितवनमै रहेको जनाइएको छ ।
शिलान्यास कार्यक्रममा शिक्षक अभिभावक, विद्यार्थी लगायत समाजका अगुवा वर्गहरुको व्यापक उपस्थिति रहेको थियो ।
