मधेश प्रदेश सरकार परिवर्तन हुने हल्ला पछि मधेश प्रदेश सरकारका मुख्यमन्त्री सिंहले आफ्नो जत्था सहित जनकपुरधाम उप–महानगरपालिकामा रहेको विना दर्ताको अस्पतालहरुमा छड्के गर्दै बन्द गराउँदै हिँडे । दर्ता नरहेको अस्पतालहरु बन्द गराए गराए मधेश प्रदेशको स्वास्थ्यम न्त्रालयमा नवीकरणको प्रक्रियामा रहेका अस्पतालहरु समेत बन्द गराए । जसको जनकपुरधाम उप–महानगरपालिकाका उप–प्रमुख किशोरी साहले खुलेरनै विरोध जनाएका थिए । उप–प्रमुख साहले भने–‘आफूहरुसंग विना कुनै समन्वय कै मधेश प्रदेश सरकारले थालेको अनुगमन शंकास्पद छन्, हाम्रो क्षेत्राधिकारमाथि प्रदेश सरकारले हस्तक्षेप गर्यो ।’ त्यस पछि जनकपुरधामका अस्पतालहरुको छडके बन्द भयो ।

यति मात्र होइन् सर्लाहीमा प्रदेश सरकारकै घटक नेपाली कांग्रेसका मधेश प्रदेशका उप–सभापति वीरेन्द्र सिंहले समेत मुख्यमन्त्री सिंहलाई चेतावनी दिए । उनले भने–‘मधेश सरकार स्टन्टबाजी गर्दैछन्, सर्वसाधारणलाई दुःख दिन हामी आएका होइनौं, स्टन्टबाजी बन्द नगरिए हामी सरकार बारे सोच्न बाध्य हुनेछौं ।’ त्यस पछि सर्लाहीका अस्पतालहरुको छड्के बन्दभयो ।

रौतहटमा समेत एउटा पालिकाले मधेश प्रदेश सरकारको निर्णयको विरुद्धमा गएर प्रदेश सरकारले बन्द गराएका अस्पताल स्थानीय सरकारले खुलाए । रौतहटका गरुडा नगरपालिका र चन्द्रपुर नगरपालिकाले मधेश प्रदेश सरकारको आदेश आवाज्ञा गर्दै त्यहा बन्द गराइएका अस्पतालहरु सञ्चालन गराएका थिए ।

अस्पताल अनुगमन र फर्जीको सर्टिफिकेट बाड्ने क्रममा मधेश प्रदेश सरकारको कार्याक्षेत्र ८ वटा जिल्लाका अधिकांश ठाउँमा सरकारलाई असफलतानै हात लागेको थियो ।

मधेश प्रदेश सरकारको नेतृत्व जनमत पार्टीले गरेपछि आँखा चिम्लेर हेरिएको प्रदेश कृषि विश्व विद्यालयमा समेत मधेश प्रदेश सरकारलाई असफलता नै हात परेको छ । मधेश प्रदेश सरकारले बर्खास्त गरेका उप–कुलपति र रजिष्ट्रारलाई फेरि अदालतले पदस्थापना गरिदिएको छ ।

मधेश प्रदेश सरकारले आज देखि शुरु भएको एसईई परीक्षामा समेत असफलता प्राप्त गरे । प्रदेश सरकारले गोलाप्रथाबाट केन्द्राध्यक्ष चयन गर्नुपर्ने मुख्य माग सहित प्रस्ताव परीक्षा समन्वय समितिहरु समक्ष राख्दा त्यसको कडा प्रतिवाद गरिएको थियो । नेपाल सरकारले जुन विद्यालयमा परीक्षा केन्द्र हुन्छ त्यसको प्रधानाध्यापकलाई केन्द्राध्यक्षको जिम्मेवारी दिइने प्रावधान राखेको छ । तर, मुख्यमन्त्री सिंहको प्रस्ताव अपरिपक्व रहेको भन्दै शिक्षक संघ मधेश प्रदेश समितिलेनै विरोध जनाए ।

चौतर्फी असफलता प्राप्त गरिरहेका मधेश प्रदेशका मुख्यमन्त्री सतिशकुमार सिंहले नैतिकताको आधारमा राजिनामा दिनुपर्ने आवाज समेत उठ्न थालेको छ । लोकतान्त्रिक समाजवादी पार्टी (लोसपा)का मधेश प्रदेश सदस्य महाशंकर ठाकुरले मधेश प्रदेश सरकारका मुख्यमन्त्रीले नैतिकताको आधारमा राजिनामा दिनुपर्ने माग गरेका छन् ।

उनले भने–‘चौतर्फी नाकामयावी हासिल गरेका मुख्यमन्त्रीलाई सरकारको नेतृत्व गर्ने र सरकार चलाउन असफल भएका कारण नैतिकताको आधारमा राजिनामा दिईदिनुपर्छ ।’