प्रतीक्षा खबर
जनकपुरधाम, चैत १४ गते ।
प्रदेश २ मा चौथो दिन शुक्रबार लकडाउनको अवज्ञा गर्ने १० जनालाई प्रहरीले पक्राउ गरेको छ।
यस्तै, लकडाउनमा चलाइएका साइकलसहित २ सय ११ सवारीसाधन प्रहरीले नियन्त्रणमा लिएको छ।
आठवटै जिल्लाबाट १० जना लकडाउन उल्लंघन गर्ने मानिसलाई पक्राउ गरेको प्रदेश २ प्रहरी कार्यालयका प्रवक्ता प्रहरी उपरीक्षक जयराज सापकोटाले जानकारी दिए।
उनका अनुसार आठवटै जिल्लाबाट १९२ मोटरसाइकल, ११ वटा साइकल, ट्याक्टर ३, सानो सवारी ३, टेम्पो र ट्रक एक–एक गरी २ सय ११ सवारीसाधन नियन्त्रणमा लिइएको छ।
पक्राउ परेका मानिसहरुलाई सम्झाइ बुझाई छाडिएको र सवारीसाधन लकडाउन पश्चात कारबाही गरेर मात्रै छोड्ने प्रवक्ता सापकोटाले जानकारी दिए।
सभार टुडेपाटी
