अवकाशप्राप्त कर्मचारीलाई सम्मान गरौं : प्रदेश सांसद यादव

जनकपुरधाम, कार्तिक ९ गते ।
जनता समाजवादी पार्टी, नेपालका प्रदेश सांसद रामअशिष यादवले सेवा निवृत्त कर्मचारीहरुसंग रहेकोे ज्ञान अनुभवलाई राज्य सक्दो प्रयोग गर्नुपर्ने आजको आवश्यकता रहेकोे कुरा बताएका छन।
अवकाशप्राप्त कर्मचारी समाज जनकपुरधाम-१७ ले दशै ,दिपावली र छठ पर्वको अवसरमा आयोजना गरेकोे शुभकामना आदानप्रदान कार्यक्रमलाई सम्बोधन गर्नेक्रममा प्रमुख अतिथि प्रदेश सांसद यादवले अवकाशप्राप्त कर्मचारीलाई राज्यले सम्मान गर्नुपर्ने कुरामा जोड दिएका छन।
अवकाशप्राप्त कर्मचारी समाज का अध्यक्ष रामलोचन यादवको अध्यक्ष्ातामा सम्पन्न कार्यक्रममा समाजसेवी कृषि विज्ञ यामुना प्रसाद साह,समाजका अगुवा तेजनारायण यादव,जामुन साह सहितका वक्ताहरूले शुभकामना मन्तव्य व्यक्त गरेका कुरा समाजका सचिव काशी कुमार यादवले जानकारी दिएका छन।
सो अवसरमा प्रमुख अतिथि प्रदेश सांसद यादवलेअवकाशप्राप्त कर्मचारी समाजका अध्यक्ष रामलोचन यादवलाई कलम र डायरी उपहारस्वरूप प्रदान गरि सम्मान गरेका छन।
यसैगरी कार्यक्रममा सहभागी सम्पूर्ण अवकाशप्राप्त कर्मचारीलाई डिभिजन वन कार्यालय धनुषाको सहयोगमा पर्यावरण संरक्षणको सन्देश दिदै एक एकवटा अमला को विरुवा वितरण गरिएको छ।