बेरुत । इजरायलले हिजबुल्लाहहरूको गढमाथि गरेको आक्रमणमा परेर सय जनाको मृत्यु भएको छ । लेबनानको स्वास्थ्य मन्त्रालयले सोमबार बताएअनुसार दक्षिणी लेबनानका सहर र गाउँहरूमा कम्तीमा सय जनाको मृत्यु भएको छ ।
यी आक्रमणमा परेर बालबालिका र महिलासमेत अरू चारसय जना घाइते भएको बताइएको छ । इजरायली सेनाले लेबनानमा बृहतस्तरमा आक्रमण गर्ने भनेर यसअघि नै इजरायली रक्षा बलका प्रवक्ता रियर एडमिरल ड्यानियल हागरीले भनेका थिए ।
उनले मानिसहरूलाई हेजबुल्लाहको गढ वरिपरि नबस्नको आग्रह पनि गरेका थिए । आईडीएफका अनुसार हालै हिजबुबुल्लाहले इजरायलमाथि १५० वटा रकेट हानेको थियो । यसको जवाफमा इजरायलले कारबाही तीव्र बनाएको भनिएको छ ।
