धर्वेन्द्र कुमार यादव(यदुवन्शी)जलेश्वर।महोत्तरीमा पोखरीमा डुबेर एक बालकको मृत्यु भएको छ । जिल्ला प्रहरी कार्यालयले दिएको जानकारी अनुसार जलेश्वर नगरपालिका–१ स्थित महादेव मन्दिरको पोखरीमा डुबेर एक बालक को मृत्यु भएको हो ।
मृत्यु हुनेमा मटिहानी नगरपालिका–९ सिमरदही बस्ने सुनिल कुमार चौधरीको २ वर्षीय छोरा प्रिंसी कुमार चौधरी रहेको छ ।
चौधरी परिवार आज मन्दिरमा मुण्डन समारोहको लागि आएका थिए । सबैजना पुजामा व्यस्त भएको बेला बालक खेल्दा खेल्दै पोखरीमा पुगेर डुबेको हुन सक्ने आशंका व्यक्त गरिएको छ ।
पोखरीमा डुबेका बालकलाई तत्काल उद्धार गरी उपचारका लागि जिल्ला अस्पताल जलेश्वर लगिए पनि उपचारको क्रममा बालकको मृत्यु भएको जिल्ला प्रहरी कार्यालय महोत्तरीले जनाएको छ ।
