महोत्तरीमा हिन्दु-मुस्लिम बीच भएको झडपको सत्यतथ्य छानबिन गर्न अध्यक्ष दत्तको निर्देशन

महोत्तरीको भंगहा-८ पडरियामा हिन्दु र मुस्लिम समुदाय बीच भएको झडपको सत्यतथ्य छानबिन गर्न मधेशी आयोगका माननीय अध्यक्ष डा.विजयकुमार दत्तज्यूले महोत्तरीका सिडियोलाई निर्देशन दिनुभएका छन् | माननीय अध्यक्ष डा.दत्तज्यूले फोन सम्पर्क गरी सिडियो संग घटनाको बारेमा बिस्तृत जानकारी लिदै त्यहाँको अवस्था नियन्त्रण गर्न र शान्तिपूर्ण वातावरण मिलाउन निर्देशन दिनुभएका छन् |
अध्यक्ष डा.दत्तले सो झडपमा घाइते भएका पीडित र परिवारसंग भेटेर समेत घटनाबारे स्थलगत जानकारी लिनुभएका छन् | बिहिबार भाइटिकाको दिन पडरिया बाट हिन्दु सम्राट सेनाले श्री राम को नारा लगाउदै र्याली निकाल्दा मुस्लिम समुदायका मान्छेहरुले ढुंगामुडा प्रहार गरेपछि अवस्था तनावग्रस्त बनेको थियो |
अध्यक्ष डा.दत्तले संयमित भएर एक-आपसमा झडप नगर्न तथा सामाजिक सद्भावमा खलल नपुर्याउन सम्बन्धित सबै पक्षलाई अनुरोध गर्नुभएका छन् |