काठमाडौँ । जनता समाजवादी पार्टी (जसपा)नेपाल र लोकतान्त्रिक समाजवादी पार्टी (लोसपा) नेपालबिच एकता भएपछि आज पहिलो बैठक बस्न लागेको छ ।
दुई पार्टीबिच एकता भएर जसपा नेपाल कायम हुनुका साथै एकतापछि ४३ सदस्यीय केन्द्रीय समन्वय समिति गठन गरिएको थियो ।
सोही समितिको आज बालकुमारीमा पहिलो बैठक बस्न लागेको एक नेताले बताए ।
पहिलो बैठक भएकाले केही सांगठनिक तथा पार्टी व्यवस्थापन कुरा हुनुको साथै चुनावमा टिकट वितरण प्रणालीको बारेमा पनि सामान्य छलफल हुने बताइएको छ । फागुन २१ गते हुने प्रतिनिधि सभा चुनावका लागि उम्मेदवारी दर्ता गराउने समय नजिक आइरहेकाले यसबारे छलफल हुने ती नेताको भनाइ छ ।
