जनकपुरधाम, चैत ७ । नेपाल–भारत बीचको सम्वन्ध जटिल मोडमा पुगेको छ । नेपालमा राजाबादीहरुको सक्रियता बढेपछि परराष्ट्रमन्त्री आरजु देउवा राणा एक सप्ताहको भारत भ्रमण गरेर स्वदेश फर्के पनि उपलव्धि भने केही हुन सकेको छैन् ।
परराष्ट्रमन्त्री देउवा र भारतीय विदेश मन्त्री जयशंकर संगको भेटघाट नेपालकालागि फाइदा जनक कुनै भेटघाट वा वार्ता हुन सकेन् । स्रोतका अनुसार परराष्ट्रमन्त्री देउवा प्रधानमन्त्री केपी शर्मा ओलीकै दुत बनेर भारत पुगेकी थिइन् । नेपालमा गणतन्त्र संकटमा रहेको र यसमा भारतको पनि हात रहेको आशंकामा प्रधानमन्त्री केपी शर्मा ओलीले परराष्ट्रमन्त्री देउवालाई भारत संग खोजपुछ गर्नकालागि पठाएको स्रोतको दावी छ ।
मंगलबार भारतीय विदेश मन्त्री जयशंकर संगको भेटघाटमा परराष्ट्रमन्त्री देउवाले यस बिषयमा प्रवेश गर्दा भारत चिडिएको छ ।
देउवाले भारतीय प्रधानमन्त्री नरेन्द्र मोदीलाई नेपालमा आउँदो जेठमा हुने सगरमाथा संवादका लागि औपचारिक निम्तो दिने बताइएको थियो । तर, भेटका क्रममा निमन्त्रणापत्र नै हस्तान्तरण हुन नसकेको गोप्य स्रोतले जानकारी दियो।
यस्तै, प्रधानमन्त्री केपी शर्मा ओलीको भारत भ्रमणको चाजोपाँजो मिलाउने प्रयास पनि विफल भएको छ ।
परराष्ट्रमन्त्री डा आरजु राणाले नेपालको राजावादी आन्दोलन इन्डियाले उचालेको हो कि ? भनेर प्रश्न गरेपछी इन्डियाको नेतृत्व झनै रिसाएको र उक्त प्रश्नको जवाफमा ” नेपालको मामलामा इन्डियाको भूमिका नरहने ” उत्तर फर्काएको श्रोतको दावी छ ।
यसरी नेपालमा हुने परिवर्तनमा इन्डियाको नाम जोडेर परराष्ट्रमन्त्रीले गम्भीर कुटनैतिक गल्ती गरेको श्रोतको जानकारी छ ।
नेपालमा राजावादी अभियान चर्किँदै गएको बेलामा परराष्ट्रमन्त्रीको यो चासोलाई अर्थपूर्ण तरिकाले हेरिएको छ ।
