रामगाेपालपुर, ११ फागुन । अगामी फागुन २१ गते प्रतिनिधि सभा सदस्यको निर्वाचनमा महाेत्तरी क्षेत्र नं २, र४ मा जसपा नेपालले अरू प्रतिस्पर्धीबाट अग्रता बनाएको चुनावी जानकारहरूले बताएका छन् ।
क्षेत्र नं २ मा जनता समाजवादी पार्टी नेपालबाट उम्मेदवार बनेका सरद सिंह भण्डारीले आफ्नो प्रतिस्पर्धी उम्मेदवार बाट करिब–करिब दोबर मत पाउने देखिन्छ ।
यो क्षेत्रमा जसपा नेपालको संगठन मजबुत रहेको देखिन्छ र यसै क्षेत्रबाट भण्डारीले २पटक निर्वाचित भइ तेस्राे पटककाेलागि चुनाबी मैदानमा उत्रेका छन ।नेपाली कांग्रेसको तर्फबाट चुनावी प्रतिस्पर्धामा रहेका किरण यादव कांग्रेस भित्रको गुटबन्दीकाे कारण कांग्रेसको संगठन कमजोर हुनु नै किरण यादव चुनावी प्रतिस्पर्धाबाट बाहिर रहेको देखिन्छ ।
रास्वपाका उम्मेदवारको प्रभाव खासै यस क्षेत्रमा देखिदैन । त्यस्तै क्षेत्र नं ४मा जसपा नेपालबाट डा सुरेन्द्र कुमार यादव, एमालेबाट लिलम अधिकारी, कांग्रेसबाट महेन्द्र राय रास्वपाबाट गाैरी यादव र माओबदिबाट भरत प्रसाद साहबीच चुनावी प्रतिस्पर्धा देखिए तापनि कांग्रेस र अन्य पार्टीकोकाे आन्तरिक गुटबन्दी र स्थानीय तहमा कमजाेर संगठन रहेका कारण डा सुरेन्द्र कुमार यादवलाई फाइदा हुने देखिन्छ ।
त्यस्तै क्षेत्र नं ३ मा रास्वपाबाट उज्जवल झा र जसपा नेपालबाट चुनावी मैदानमा रहेकी ठाकुरबिच टकर रहेकाे स्थानियहरुकाे भनाइअनुसार रहेका छन् ।
क्षेत्र ४काे उतरी भेगका अधिकांश उम्मेदवारहरू मजबुत रहेका र सो क्षेत्रका भोट आपसमा बटबारा हुने देखिन्छ । दक्षिणी भेगका एक मात्र बलियो उम्मेदवार डा सुरेन्द्र कुमार रहेको हुनाले यो क्षेत्रमा कडा प्रतिस्पर्धा खासै न देखिएकाेले यादवकाे जित देखिन्छ ।
