“घर घरमा स्वास्थ्य, घर घरमा शिक्षा” पुर्याउने सोचका साथ अगाडि बढ्नु भएका महोत्तरीको सोनमा गाउँपालिकामा दुई दिने नि:शुल्क बन्ध्याकरण शिविरको सोनमा गाउँपालिका अध्यक्ष बिशेश्वर प्रसाद यादवद्वारा बुधवार उद्दघाटन गरि विहिवार सम्पन्न भएको छ।
सोनमा गाउँपालिका वडा नं ६ मा रहेका मगरथाना स्वास्थ्य चौकीमा दुई दिने बन्ध्याकरन शिविरको गा.पा अध्यक्ष र प्रमुख अतिथीले संयुक्त रुपमा फिता काटी उदघाटन गरिएको थियो। सोनमा गाउँपालिकाको सहकार्य, जिल्ला स्वास्थ्य कार्यालय महोत्तरी र मेरि स्टोप सेन्टरको सहयोगमा सुरु भएको नि:शुल्क बन्ध्याकरन शिविरमा ७५ जना महिला पुरुषले परिवार नियोजन सम्बन्धी सेवा लिएको जिल्ला स्वास्थ्य कार्यालय जलेश्वरको नर्सिङ अधिकृत प्रतिभा सिहले जानकारी दिनुभएको छ।
गाउँपालिका अध्यक्ष बिशेश्वर प्रसाद यदवको अध्यक्षतामा सुरु भएको दुई दिने नि:शुल्क बन्ध्याकरन शिविरको उद्दघाटन कार्यक्रममा प्रमुख अतिथी मेरी स्टोप सेन्टर सेन्टरका प्रतिनिधीहरु, जिल्ला स्वास्थ्य कार्यालय जलेश्वरको नर्सिङ अधिकृत प्रतिभा सिह, वडा नं ७ का वडा अध्यक्ष इन्द्रजित यादव, वडा नं २ का वडा अध्यक्ष राम जीवन यादव, वडा नं ४ का वडा अध्यक्ष मिठु यादव, वडा सदस्य राम प्रवेश चौरसिया, सत्यनरायन यादव, स्वास्थ्य संयोजक जितेन्द्र कुमार साह, सह संयोजक अमृत कुमार यादव, आठ ओटै स्वास्थ्य चौकीका प्रमुखहरु, लगायत मेरी स्टोप सेन्टरका स्वास्थ्यकर्मीहरुको उपस्थिती रहेको थियो।
