किभ । युक्रेनमा रुसले गरेको पछिल्लो हमलामा चार युक्रेनी नागरिकको मृत्यु भएपछि युक्रेनी राष्ट्रपति भोलोदिमिर जेलेन्स्कीले आफ्नो देशले यसको जवाफ सही ढंगले दिने बताएका छन् ।
युक्रेनमाथि सोमबार राति रुसले गरेको मिसाइल र ड्रोन हमलाको क्रममा ४ जनाको मृत्यु भइसकेको छ भने अरू १६ जना घाइते भएका छन् । रुसले हिजोदेखि युक्रेनी नागरिक र पूर्वाधारमा ९० वटा हवाई हमला गरेको जेलेन्स्कीले भनेका छन् ।
हमलामा कम्तीमा पनि ८१ वटा ड्रोन, क्रुज, ब्यालिष्टिक मिसाइल संलग्न भएको बताइएको छ । रुसले अहिले र यसअघि गरेको हमलाको जवाफ दिइने र मानवता विरुद्धको अपराधलाई माफी नगरिने एक्समामा उनले लेखेका छन् । आफूहरूले हिजोदेखि रुसको ५ वटा मिसाइल र ६० वटा ड्रोनलाई खसालेको दाबी युक्रेनी हवाई बलले गरेको छ ।
