कीएभ । रोयटर्स समाचार टोलीको एक सदस्यको रूपमा पूर्वी युक्रेनमा काम गरिरहेका एक बेलायती नागरिक शनिबार होटलमा भएको मिसाइल आक्रमणमा मारिएका छन् ।
सुरक्षा सल्लाहकार रायन इभान्स क्रामाटोर्स्क सहरको होटल सफायरमा बसेका छ जना रोयटर्स कर्मचारीहरू मध्ये एक थिए । यो सहर युक्रेनी नियन्त्रणमा छ तर फ्रन्टलाइनको नजिक छ ।
युक्रेनी अधिकारीहरूले होटलमा रुसी मिसाइल प्रहार भएको बताएका छन्। रुसले यसबारे टिप्पणी गरेको छैन।
आक्रमणमा घाइते भएका टोलीका अन्य दुई सदस्यहरू अस्पतालमा भर्ना भएका छन् । ती मध्ये एक जनाको अवस्था गम्भीर रहेको छ ।
युक्रेनको राष्ट्रिय पुलिसले १९ घण्टाको खोजी पछि आइतबार होटलको भग्नावशेषबाट ४० वर्षीय बेलायती व्यक्तिको शव फेला परेको जानकारी दिएको थियो।
टेलिग्राममा लेख्दै युक्रेनी राष्ट्रपति भोलोडिमिर जेलेन्स्कीले मारिएका व्यक्तिको ‘परिवार र साथीहरूलाई’ आफ्नो समवेदना व्यक्त गरेका छन् ।
