काठमाडौँ । डिजिटल वालेट (ईसेवा) ले रकम ट्रान्सफर सहज बनाउन सुरु गरेको ‘अफलाइन ट्रान्सफर सेवा’ दुरुपयोग गरेर आपराधिक मनोवृत्ति भएकाहरूले ठग्न थालेका छन् । तपाइँलाई अपरिचित मानिसले फोन गरेर नामै किटेर भन्छन्, ‘तपाइँको म्यासेज बक्समा एउटा कोड आएका छ, मलाई पठाउनुस् नँ ।
त्यतिन्जेल सम्म स्क्यामरले पीडितकै नम्बरबाट ईसेवा वालेटमा ‘अफलाइन ट्रान्सफर सेवा’ मार्फत रकम ट्रान्सफर गर्न रिक्वेस्ट पठाइसकेका हुन्छन् । पीडितकै नम्बर प्रयोग गरेर उनीहरूले रिक्वेस्ट पठाउने हुनाले डिजिटल वालेट कम्पनीले अविश्वास गर्न सक्ने अवस्था नहुने साइबर ब्युरोका प्रवक्ता (एसपी) दीपकराज अवस्थीले रातोपाटीलाई बताए ।
ईसेवाको ‘एसएमएस मोड’ मा गरेको रिक्वेस्ट अनुसार जेनेरेट भएको कोड नम्बर दिँदा ई–सेवा प्रयोगकर्ताको खातामा भएको रकम गिरोहले तत्काल ट्रान्सफर गर्न सक्छन् । आरोपीहरूले ई–सेवा प्रयोगकर्ताहरूको नम्बर ट्रु कलरबाट पत्ता लगाउने गरेको एसपी अवस्थीले बताए । उनी भन्छन्, ‘नम्बर पाएपछि ट्रुकलरबाट नाम पत्ता लगाएर उनीहरुले नामै लिएर कल गर्ने गरेका हुन् ।
फोन गर्दासम्म स्क्यामरले इसेवा प्रयोगकर्ताको खातामा भएको रकमको विवरण पत्ता लगाइसक्छन् । इन्टरनेट प्रयोग नगरीकन त्यस्तो सेवा लिन सकिने सुविधाको दुरुपयोग गरेर उनीहरुले ठग्ने गरेको एसपी अवस्थीले जानकारी दिए । उनले भने– ‘ब्यालेन्स ट्रान्सफर गर्ने सो सुविधा अन्तर्गत ३२१२१ नम्बरको दुरुपयोग गरेर स्क्यामरले ठग्ने गरेका हुन् ।’
साइबर ब्युरोमा आउने यस्ता घटनाबारे प्रहरीले अनुसन्धान गरिरहेको छ । हालसम्म आएका निवेदनमाथि अनुसन्धान गरेर मुद्दा दायर गरिएको एसपी अवस्थीले जानकारी दिए । उनले भने, ‘ठग्नेहरूले ईसेवाबाट बोलेको भनेर पनि फोन गर्ने गरेका छन् ।’
