गोपाल झा
महोत्तरी, भदौ ११ गते
महोत्तरी प्रहरीले स्रोत नखुलेको नेपाली रुपैया सहित एक भारतीय नागरिकलाई पक्राउ गरेका छन् ।
पक्राउ पर्नेमा भारतको विहार राज्यस्थित जिल्ला मधुवनी ग्रामपञ्ंचायत मधवापुर ४ बस्ने २६ वर्षीय सुमित साह रहेको महोत्तरी प्रहरी जनाएका छन् ।
साहलाई नेपाली रुपैयाँ २६ लाख २० हजार सहित पक्राउ गरिएको जिल्ला प्रहरी कार्यालय महोत्तरीका प्रवक्ता दिलीपकुमार गिरीले जानकारी दिए ।
साहले आफूसँग रहेको रकमको स्रोत जुटाउन नसकेको प्रहरीको भनाइ छ । महोत्तरीको मटिहानी नगरपालिका वडा नं.३ स्थित प्रतापी बाबा मंन्दिर अगाडि जनकपुरधाम- मटिहानी सडक खण्डमा विशेष सुराकीको आधारमा जिल्ला प्रहरी कार्यालय र प्रहरी चौकी धिरापुरबाट संयुक्त रुपमा खटिएको सादा पोशाकमा गएको प्रहरी टोलीले चेकजाँच गर्ने क्रममा साहले चलाउदै गरैको ज १२ प १६४४ नम्बरको मोटरसाईकको सिट मुनि लुकाई छिपाई राखेको नगद सहित पक्राउ गरिएको प्रवक्ता गिरीले जानकारी दिएका हुन् ।
बरामद गरिएको नगद , मोटरसाइकल र भारतीय नागरिकलाई आवश्यक कारबाहीको लागि राष्ट्रिय अनुसन्धान कार्यालय पथलैया बारा पठाएको जिप्रका महोत्तरीले जनाएको छ ।
