महोत्तरी
अषाढ २० गते
भारतको बिहार राज्य स्थित धरहरबामा आज एक महिलाको बिजलीको करेण्ट लागेर मृत्यु भएको छ ।
बुधबार बिहान करीब ९ बजे भैँसी चराउन खेत तर्फ गएकी भारतको बिहार राज्य स्थित सितामढी जिल्लामा पर्ने परिहार प्रखण्डको धरहरबा बस्ने राजेन्द्र साहकी श्रीमती अन्दाजी ६५ बर्षिय रामदुलारी देबीको मृत्यु भएको छ ।
घरबाट भैँसी चराउन गएको समयमा अचानक बिजुलीको खम्बाबाट करेण्ट प्रबाह हुँदा उक्त खम्बा छुँदा भैँसी सहित रामदुलारीको करेण्ट लागेर मृत्यु भएको स्थानीयवासीले जानकारी दिएका छन् । घटनास्थलमै महिला तथा भैसीको मृत्यु भएको र स्थानियहरुले प्रहरीलाई खबर गरिएको थियो । प्रहरीले शव परीक्षणका लागि अस्पताल लगिएको र घटनाबारे थप अनुसनधान भई रहेको प्रहरीले जनाएको छ ।
