सर्लाहीको पर्सा गाउँपालिकामा पहिलो पटक योग शिविर सुरु

मुकेश झा
सर्लाही, चैत १० गते ।
सर्लाहीको पर्सा गाउँपालिकामा पहिलो पटक योग शिविर संचालन भएको छ । अहिलेको व्यस्त समयमा मानिस दिनानुदिन विभिन्न प्रकारको नया रोगले ग्रसित भएको बेला रोगवाट बचन सबै भन्दा सरल र सस्तो उपचारको रुपमा योगाभ्यास हाम्रो समाजमा राम्रो स्थान पाएको छ । पर्सा गाउँपालिका २ स्थित रहेको नेपाल राष्ट्रिय बैजु जनता मा.वि संग्राम्पुरमा आज देखि ६ दिने योग शिविर पर्सा गाउँपालिकाको सहयोग तथा आयुर्वेद शाखाको आयोजनामा शुरु भएको हो ।
पर्सा गाउँपालिका वडा नम्बर २ को वडाध्यक्ष राकेश रामको अध्यक्षतामा शुरु भएको योग शिविरको प्रमुख आतिथि गाउँपालिका प्रमुख धिरेन्द्र राय (विस्पत), योग शिविरको प्रशिक्षकको रुपमा योग गुरु धिरेन्द्र साह, राजाराम ठाकुर, सुजित साह रहनु भएको छ ।
शिविरको विशिस्ट आतिथिको रुपमा गाउँपालिका उपाध्यक्ष नुतन मंडल, वडा नम्बर १ देखि ६ नम्बर सम्मको वडाध्य्क्ष, नेपाल आयुर्वेद स्वास्थ्यकर्मी समाज मधेस प्रदेशको अध्यक्ष वरिष्ट कबिराज निरीक्षक रामछबिला राय, बसबारिया गाउँपालिका प्रमुख प्रशासकिय अधिकृत चुन चुन यादव, हरिपुर्वा आयुर्वेद शाखा प्रमुख डा. संजय कुमार यादव, रामनगर गाउँपालिका प्रमुख प्रशासकिय अधिकृत कृष्ण यादव, सहित पालिकाका विभिन्न समाजसेवीहरु महिला स्वंय सेबिका, कर्मचारी, स्थानियहरुको उपस्थितिमा योग शिविर संचालन भएको पर्सा गाउँपालिका आयुर्वेद शाखाको प्रमुख कबिराज निरीक्षक नवीन यादवले जानकारी दिनुभयो ।
योग शिबिर भोलि बिहान ४:३० बजे देखि नै शुरु हुने आयोजकले जानकारी गराए ।