सांसद यादवको परिकल्पना विधालयमा सचेतना कार्यक्रम फलदायी

जनकपुरधाम,भदौ ७ गते। सभ्यता र समृद्धि का मुख्य आधार स्तम्भ शिक्षालाई आत्मसात गर्दै समाजसेवी नेता प्रदेश सांसद रामअशिष यादवको परिकल्पनामा थालिएको शिक्षा सुधार अभियान ग्रामीण क्षेत्रको सामुदायिक विधालयहरुमा फलदायी सावित भैरहेको छ।
राज्य र समुदायबाट उपेक्षित सामुदायिक विद्यालयमा वालवालिकाहरुको संख्या दिनप्रतिदिन न्युन हुदै गएको,पठनपाठन पनि व्यवस्थित हुन नसकेको, पुर्वाधार जर्जर रहेको साथी वालवालिकाहरुको ज्ञान, सभ्यता र समृद्धि का लागि गुणस्तरीय शिक्षा आवश्यक रहेको चिन्तन गर्दै ग्रामीण क्षेत्रका सामुदायिक विधालयको भौतिक पुर्वाधार विकास , शिक्षा को महत्त्व र जलवायु परिवर्तन सहित का विषय वारे वालवालिकहरुलाई जागरुक गराउन उदेश्य ले विधालयहरुमा सचेतना सहित कार्यक्रम थालिएको छ।
धनुषा निर्वाचन क्षेत्र नं २ शहिदनगर नगरपालिकाको वार्ड नं ३ स्थित श्री राष्ट्रिय अाधारभुत विधालय यदुकुहा गोठकुहामा विधालयहरुको माझमा सचेतना कार्यक्रम गरिएको छ।
प्र अ विष्णु देव यादव को अध्यक्ष्ातामा सम्पन्न कार्यक्रममा प्रदेश सांसद रामअशिष यादव, शिक्षा सुधार अभियानका दूत डा जागेश्वर यादव, वनस्पति विज्ञ ताहिर हुसेन ,वरिष्ठ कविराज रामछबिला यादव,शहिदनगर नगरपालिका का नगर शिक्षा संयोजक उमेश निराला,पुर्व वडा अध्यक्ष नागेन्द्र मंडल, युवा नेता सुशील साह सहितले सहभागी वालवालिकाहरुलाई शैक्षिक सामग्री कलम बितरण गरेका छन्।
वालवालिकाहरुलाई नियमित अभ्यास शिक्षा प्रति जागरुकता बढाउन विधालय सचेतना कार्यक्रम फलदायी रहेको कुरा वालवालिकाहरु हरु बताउंछन्।
सो विधालयमा नयाँ विधालय भवन चाडैं निर्माण हुने कुरा प्रदेश सांसद यादवले जानकारी दिएका छन् ।