निर्वाचन जहिले भएपनि सामना गर्न तयार छौं : माधवकुमार नेपाल

काठमाडौं, माघ १५ गते ।
स्थानीय तहको निर्वाचन वैशाखमै भएपनि सामना गर्न तयार रहेको नेकपा एकीकृत समाजवादीका अध्यक्ष माधवकुमार नेपालले बताएका छन् ।
काठमाडौंमा शनिवार आयोजित पार्टी निकट निजामती कर्मचारी संगठनको राष्ट्रिय भेलामा बोल्दै अध्यक्ष नेपालले आफूहरु चुनावसँग नडराएको बताए ।
नेपालले चुनावसँग आफुहरु नआतेको भन्दै उनले चुनाव यही बैशाखमा भएपछि आफुहरु सामना गर्न तयार रहेको बताए ।
सत्तारुढ गठबन्धनले जहिले भन्छ त्यही मितिमा चुनावमा जान आफूहरु तयार रहेको अध्यक्ष नेपालले बताए ।
२०७४ सालमा तेस्रो चरणको स्थानीय तहको निर्वाचन असोज २ गते भएकाले त्यसैलाई आधार मानेर ६ महिना भित्र निर्वाचन गर्न उपयुक्त हुने अध्यक्ष नेपालले धारणा पनि राखे ।
प्रधानमन्त्री देउवाले आजको सत्ता गठबन्धनको बैठकमा चाँडै निर्वाचन गर्न प्रस्ताव गरेका हुन् । निर्वाचन आयोगले भने बैशाखमा निर्वाचन गर्न मिति समेत प्रस्ताव गरिसकेको छ ।