राजधानी बनाएको भन्दै मुख्यमन्त्री राउतको घरमा ढुङ्गा प्रहार

पर्सा, माघ ४ गते ।
जनकपुरधामलाई मधेश प्रदेशको राजधानी बनाएको आरो लगाउँदै मुख्यमन्त्रीको घरमा ढुङ्गा प्रहार भएको छ ।
मधेस प्रदेशका मुख्यमन्त्री लालबाबु राउतको घरमा आन्दोलनकारीहरुको एक समूहले वीरगञ्जस्थित तेजारथ टोलमा रहेको घरमा ढुङ्गा प्रहार गरेका छन् ।
कांग्रेसको वीरगञ्ज समितिले निकालेको जुलुसले मुख्यमन्त्री राउतको घरमा ढुङ्गा प्रहार गरेपछि उनको घरको सिसा फुटेको जनाइएको छ ।
जिल्ला प्रहरी कार्यालय पर्साका प्रहरी प्रवक्ता प्रहरी नायव उपरीक्षक ओमप्रकाश खनालले जुलसमा रहेका आन्दोलनकारीहरुमध्ये एक युवाले मुख्यमन्त्री राउतको घरमा ढुङ्गा प्रहार गरेपछि झ्यालमा सामान्य क्षति भएको जानकारी दिएका हुन् ।
ढुङ्गा फ्याल्नेको खोजी भइरहेको प्रहरीले जनाएका छन् ।
सोमबार प्रदेशसभा बैठकमा भएको मतदानबाट प्रदेश २ को नाम मधेश प्रदेश र राजधानी जनकपुरधाम कायम भएको छ ।