प्रदेश २ कृषि मन्त्रालयले थाल्यो वर्षात क्षति विवरण संकलन

दुई दिनअघि भएको अबिरल वर्षा र हावाहरीबाट क्षति विवरण संकलनको कार्य प्रदेश २ को भूमि व्यवस्था, कृषि तथा सहकारी मन्त्रालयले थालेको छ ।
बिहीबार मन्त्री विजय यादवले मन्त्रालयमा एक पत्रकार सम्मेलन आयोजना गरी कातिक १ र २ गते भएको अबिरल वर्षाले खेतीबाली, पशुपंक्षी र मत्स्य पालन लगायतमा आएको क्षति विवरण संकलन कार्य थालिएको जानकारी दिए ।
उनले भने प्रदेशमा धानबाली, तरकारी बाली, मत्स्य फार्म लगायतमा भएको क्षतिको विवरण संकलन गर्न माहातका निकायलाई पत्राचार गरिसकिएको छ । यकिन विवरण स्थानीय तहले नै संकलन गर्न सक्ने भएको हुनाले सहयोग गर्न आग्रह गरे
मन्त्री विजय यादवले तथ्यांक संकलन पछि प्रदेश सरकारले राहत घोषणा गर्ने बताए । उनले क्षति भएको तथ्यांक संकलन नभएसम्म राहत घोषणा गर्न नसकिने भएकोले वर्षा तथा हावाहुरीबाट कृषि क्षेत्रमा भएको क्षतिको तथ्यांक संकलन गर्न आठ वटै जिल्लामा थालिएको भने ।
मन्त्री यादवले यस प्रदेशको आठ वटै जिल्लामा करिव ४ लाख ३ हजार हेक्टरमा धान रोपाइ भएकोमा धानबाली भित्राउने समयमा वर्षाले क्षति भएको जानकारी समेत दिए ।
अहिलेसम्म पाएको सूचना अनुसार फाटफुट रुपमा कटानी भएको पाजा (पसही) खेतमा नै डुबेको, हावाको बेगका कारण लामो उचाइ भएका जातहरु ढलेको जानकारी प्राप्त भएको उनले बताए ।
लाेकपुकार