उपेन्द्र यादव पार्टीको सिद्धान्त तथा राजनैतिक एजेन्डाबाट कहिल्यैपनि बिचलित हुनुभएन: युवा नेता आरपी यादव

जनता समाजवादी पार्टीका युवा नेता एवम् धनुषाधाम नगरपालिकाका सचिव आरपी यादवले जसपा अध्यक्ष उपेन्द्र यादव दूरदर्शी विचारले अघि बढेको बताएका छन् ।
मधेसी जनअधिकार फाेरमबाट उदायका अध्यक्ष उपेन्द्र यादव हाल जसपासम्म आइपुग्दा पार्टीको सिद्धान्त तथा राजनैतिक एजेन्डाबाट कहिल्यैपनि बिचलित नभएकाे उनले बताए ।
‘पार्टीको सिद्धान्त र राजनैतिक एजेन्डाअनुसार अध्यक्ष यादव कहिल्यै पछि हटेनन्’, उनले भने, उपेन्द्रका कारण शेरबहादुर देउवा प्रधानमन्त्री बन्न सफल भएको हाे।
प्रधानमन्त्री देउवालाई जसपाकाे पूर्ण समर्थन छ, त्याे अवसर जसपाका अध्यक्ष यादवका कारण जुरेकाले उनकै नेतृत्वमा सरकारमा जानुपर्ने सुझाव नेताहरूलाई दिए । मंगलबार सिंहदरबारस्थित संसदीय दलकाे कार्यलयमा बसेकाे जसपाका नेताहरूकाे बैठकले पूर्ण सफलता पाउनुपर्ने बताए ।
संसदीय दलकाे नेता चुन्न २२ जना सांसदकाे उपस्थितिमा बसेकाे बैठकले दलकाे विधानमाथि व्यापक छलफल गर्दै विधान पारित गरेर केन्द्रीय कार्यकारिणी समितिमा पठाइसकेको स्मरण गर्दै साेअनुसार पार्टीका कार्यकारी अध्यक्ष उपेन्द्र यादवलाई अघि सार्नुपर्ने उनकाे भनाइ छ ।
अर्को प्रसंगमा उनले भने, ‘नेताहरू सरकारमा गइहाल्न र मन्त्री बन्नकै लागि पार्टीको सिद्धान्त, विचार र मर्म विपरीत गतिविधिमा लाग्नुहुँदैन।’ कार्यकारिणी समितिबाट पार्टी चल्ने भएकाले त्यहाँबाट आएकाे निर्णयअनुसार सरकारमा सहभागी हुन सबै सांसदहरूलाई आग्रहसमेत गरे ।
पार्टीको अधिकारिकता सम्बन्धी मुद्दा निर्वाचन आयाेगमा विचाराधीन रहेकाे र साेकाे निर्णय आएपछि मात्र जसपा सरकारमा सहभागी भएमात्र देश र जनतामा जसपाप्रति कुशल सन्देश जाने तर्क गरे ।