लोसपाका प्रदेश सभा सदस्य शर्मा थम विकको हत्याको आरोपमा अदालतबाट दोषी ठहर भएपछि मधेश प्रदेश सभाले उनलाई निलम्बन गरेको थियो । निलम्बन पछि पनि लोसपाले मधेश आन्दोलनको क्रममा भएको घटना अधिकारकोलागि भएको आन्दोलन रहेको भन्दै शर्मा निर्दोश रहेको दावी गर्दै अहिले सम्म शर्मालाई नै संसदीय दलको नेताको रुपमा राखिएको थियो ।
लोसपाका अध्यक्ष महन्थ ठाकुरले मधेश प्रदेशका सभामुख रामचन्द्र मण्डलाई राईन मधेश प्रदेशको संसदीय दलका नेता रहेको जानकारी गराएका छन् । लोकतान्त्रिक समाजवादी पार्टी नेपालको अन्तरिम विधान प्रथम संशोधन अनुसार मधेश प्रदेश सभामा संसदीय दलको नेतामा प्रदेश सभा सदस्य जयनुल राईनलाई अर्को व्यवस्था नहुन्जेलसम्म मनोनयन गरिएको अध्यक्ष ठाकुरले पत्रमा लेखेका छन् ।
यता, राइनले आजै प्रदेश सभामा यस बिषयलाई जानकारी गराउँदै संसदीय दलको नेताको रुपमा पदभार समेत ग्रहण गरेका छन् ।
