पश्चिम नवलपरासीमा ३९ जना कोरोना संक्रमित थपिए

उर्मिला यादव यात्री
जेठ १०
पश्चिम नवलपरासीमा सोमबार ३९ जनामा कोरोना संक्रमण पुष्टि भएको छ । पीसीआर परीक्षणबाट २७ र एन्टिजेनबाट १२ जना गरी ३९ जनामा कोरोना संक्रमण पुष्टि भएको हो । यो संगै जिल्लामा कुल संक्रमितको संख्या तीन हजार, ६सय ४२ पुगेको छ । आज सोमबार सबै भन्दा बढी बर्दघाट नगरपालिकामा ९ जना महिला र ५ जना पुरुष गरी १४जनामा संक्रमण पुष्टि भएको छ । त्यस्तै गरी सुनवल नगरपालिकामा १२ जना, रामग्राम नगरपालिकामा ५ , सरावल गाउपालिकामा २ जना, र सुस्ता गाउपालिकामा ४ जनामा संक्रमण पुष्टि भएको छ भने प्रतापपुर गाउपालिकामा र पाल्हिनन्दन गाउपालिकामा सोमबार कोरोना संक्रमितको संख्या शुन्य रहेको जिल्ला स्वास्थ्य कार्यालय पश्चिम नवलपरासीले जनाएको छ । यस्तै गरी सोमबार ४० जना कोरोना संक्रमित निको भएका छन । यो संगै जिल्लामा कोरोना संक्रमणबाट निको हुनेको संख्या दुई हजार एक सय ४६ पुगेको छ ।
यस्तै गरी जिल्लामा सक्रिय संक्रमितको संख्या १ हजार तीन सय ७७ रहेको छ । सोमबार कोरोना संक्रमणबाट जिल्लामा ४ जनाको ज्यान गएको छ । यो संगै जिल्लामा मृत्यु हुनेको संख्या एक सय १९ पुगेको छ ।