रेडियो रुपान्तरण १०६.३ मेगाहर्जले गरे २५ जना शिक्षक शिक्षिकालाई सम्मान, शिक्षकको समस्या समाधान छलफलमार्फत सम्बोधन गरिने नगर उपप्रमुख लामा

गौशाला, कातिक १ गते ।
महोत्तरीको गौशाला नगरपालिकामा अवस्थित रेडियो रुपान्तरण १०६.३ मेगाहर्जले शुक्रवार २५ जना शिक्षक शिक्षिकालाई सम्मान गरेको छ । एक समारोहको आयोजना गरि गत साउन ११ गतेदेखि भदौ ६ गतेसम्म गौशाला नगरपालिकाले उपलब्ध गराएको वैकल्पिक शिक्षा विधीमार्फत पठनपाठनमा सहभागी भएका २० जना शिक्षक शिक्षिकालाई सम्मान गरिएको हो । त्यस्तै सम्मानित हुनेमा नगर शिक्षा संयोजक चन्द्र वहादुर खडका, नेपाल शिक्षक महासंघका जिल्ला कार्यसमितीका सह सचिव सरोज कुमार यादव, नेपाल शिक्षक महासंघ गौशालाका अध्यक्ष नकुल उप्रेती, सचिव सुमित कुमार साह र त्रिभुवन मावि गौशालाका प्रधानाध्यापक अमोद कुमार साह रहेका छन ।
प्रदेश सभासदद्धय शारदा थापा, भरत साह, नगर उपप्रमुख आशा लामाले डायरी, कलम, गमछाले सम्मानित गरेका हुन ।
नगरपालिकामा कार्यरत रहेको हरेक शिक्षक तथा विद्यालयको समस्या समाधानको लागि छलफल नै एक मात्र निकासको बाटो रहेको गौशाला नगरपालिकाकी उपमेयर आशा लामाले बताउनुभएको छ ।
शुक्रवार दिउँसो गौशालास्थित रेडियो रुपान्तरणले आयोजना गरेको शिक्षक सम्मान कार्यक्रमलाई सम्बोधन गर्नुहुँदै नगरउपप्रमुख लामाले खासगरि सामुदायिक विद्यालयमा रहेको वेथितीको अन्त्य र शिक्षकहरुको समस्याको निराकरन एवम शैक्षिक विकासका निम्ति सवैको सल्लाहअनुसार नगर अगाडि बढन तयार रहेको धारणा राख्नुभयो ।
कार्यक्रमकाबीच नगरउपप्रमुख लामाले नगर शिक्षा समितीको निणर्याअनुसार कार्यपालिकामा छलफल गरि यस्ता विषयवस्तुउपर गहन छलफल गरि कदम उठाईने स्पष्ट पार्नुभयो ।
कार्यक्रमकाबीच प्रदेश नं. २ का प्रदेश सभासद शारदा थापाले शिक्षाले मुलभुत रुपमा समाज परिवर्तन हुने भएकोले शैक्षिक विकासका लागि हरेकको भुमिका अपरिहार्य रहेको बताउनुभयो । विगतमा शिक्षाको कारण अनेकौ परिवर्तन भएको चर्चा गर्नुहुँदै प्रदेश सभासद थापाले अवको वदलिदो युगमा पनि समाजिक तत्वलाई रुपान्तरण गर्नुपर्ने आवश्यक रहेको र सोको महत्वपुणर् जिम्मेवारी शिक्षकको रहेको धारणा राख्नुभयो ।
कार्यक्रमकाबीच नेकपाका प्रदेश सदस्य विष्णु लामाले तीनै तहका सरकारलाई बर्तमान परिवेशमा शैक्षिक रुपान्तरणका निम्ति समयमै पहलकदमी उठाउनका लागि आग्रह गर्नुभयो । कोरोनाले धवस्त बनाएको शैक्षिक गतिविधीलाई स्थानियतहमा उपलब्ध सामग्रीको सहयोगमा बैकल्पिक माध्यमवाट गतिविधी संचालन गर्नुपर्ने आवश्यकता उपर जोड दिनुभयो ।
वदलिदो युगमा गुरु सम्मानका लागि कन्जुसाई भईरहेको समयमा हरेकपक्षलाई शिक्षालयप्रतिको सकारात्मक भुमिका निर्वाह गर्नुपर्ने आवश्यकता रहेको नेपाल शिक्षक महासंघ महोत्तरीका सह सचिव सरोज कुमार यादवले बताउनुभयो ।
गौशाला नगरपालिकाले शिक्षकहरुको समस्या समाधानको निम्ति समयमै ठोस कदम उठाउनुपर्ने धारणा राख्नुभयो । कार्यक्रमकाबीच विभिन्न शिक्षाप्रेमीहरुले बर्तमान परिवेशमा रहेको शिक्षाको सन्दर्भमा चर्चा परिचर्चा गर्नुभएको थियो ।
कार्यक्रममा विभिन्न राजनितीक दलका कार्यकर्ता, शिक्षक महासंघका पदाधिकारी, विभिन्न शिक्षक फ्रन्टका नेताहरुले शैक्षिक गतिविधी उपर जोड दिनुभएको थियो ।