मेस्तरले स्वास्थ्य जाँचेको भिडियो खिच्ने सञ्चारकर्मीलाई सेनाले दिए धम्की

प्रतिक्षा खबर
रामगाेपालपुर, भदौ ८ गते ।                           धनुषाको गंगुलीस्थि  आइसोलेसनमा स्वीपरले कोरोना संक्रमित व्यक्तिको स्वास्थ्य जाँचेको भिडियो खिच्ने जनकपुरका सञ्चारकर्मी राकेश साहलाई नेपाली सेनाले धम्की दिएको छ । पढ्नै नजान्ने स्वीपरले कोरोना संक्रमितको स्वास्थ्य जाँच गरिरहेको भिडियो खिच्ने सञ्चारकर्मीलाई आइसोलेसनभित्रका कुरा आइन्दा बाहिर ल्याए कुटपिट गर्ने धम्की दिएको सञ्चारकर्मी साहले आरोप लगाएका हुन् ।
गएको शनिवार शरिरको तापक्रम जाँच्ने स्वीपर राजा मेस्तर मार्फत आइसोलेसनको निगरानी गर्दै आएका सेनाले कुटपिट गर्ने धम्की दिएको उनले गुनासो पोखे । उनले धम्की दिएको भिडियो खिच्ने समेत प्रयास गरेका छन् । तर स्वीपरले कुटपिट गर्ने लगायतका धेरै कुरा सुनाएपनि पुरा भिडियो खिच्न नसकेको साहले बताए ।
मलाई मारदिने भन्दैछ । म यहाँ धम्कीपछि असुरक्षित महसुस गरिरहेको छु । सिडिओसाबलाई पनि यो विषयमा जानकारी गराएको छु । यहाँ म सुरक्षित भएपनि बाहिर सेनाले रिसिबी साध्ने हो की पो डर लाग्न थालेछ,’ सञ्चारकर्मी साहले संचार कर्मिहरुसंग गुनासो पोखे । प्रमुख जिल्ला अधिकारी प्रेम प्रसाद भट्टराईले सेनाका कर्णेलाई स्पष्टिकरण माग्ने बताएका छन् ।टुडेपाटी डटकम