रामगाेपालपुर, असार १४ गते ।
महोत्तरीबाट अवैध १८ लाख रुपैयाँसहित ३ जनालाई प्रहरीले पक्राउ गरेको छ ।
जलेश्वरबाट सम्सी तर्फ जाँदै गरेको ज ११ प ८१०८ नम्बरको मोटरसाइकलमा सवार महोत्तरीको जलेश्वर नगरपालिका २ का १९ वर्षीय रोहितकुमार साहलाई ९ लाख, सोही मोटरसाइकलको पछाडि सवार रहेका २७ वर्षीय जयकुमार साहलाई ५ लाख ५० हजार र प्र(२–०३–००३प ०९७ नम्बरको मोटरसाइकलमा सवार २२ वर्षीय सञ्जयकुमार साहलाई ३ लाख ५० हजार रुपैया गरी कुल १८ लाख रुपैया सहित नियन्त्रणमा लिइएको प्रदेश प्रहरी कार्यालय जनकपुरधामले जनाएको छ ।
महोत्तरीको मनरासिस्वा नगरपालिका २ बाट तीनै जनालाई उक्त रुपैयाँसहित नियन्त्रणमा लिइएको प्रदेश प्रहरी कार्यालय जनकपुरधामका प्रवक्ता प्रहरी नायव उपरीक्षक मकेन्द्र कुमार मिश्रले जानकारी दिए
शनिवार प्रदेश प्रहरीबाट खटेको प्रहरी टोलीले पक्राउ गरेको हो । पक्राउ परेका तीनैजनालाई रुपैयाँ र सवारी साधनसहित नियन्त्रणमा लिइ थप अनुसन्धान गरिरहेको उनले बताए
