धनवीर कुशवाहा
गौशाला, जेठ ३२ गते ।।
कोरोना महामारीको समयमा रगतको अभाव नहोस भन्ने उद्देश्यका साथ महोत्तरीको गौशालामा ५९ जनाले रक्तदान गरेका छन । आईतबार गौशाला युवा संजालले विश्व रक्तदाता दिवसको अवसरमा आयोजना गरेको रक्तदान कार्यक्रमकाबीच सो संख्यामा रक्तदान गरेका हुन । गौशालास्थित प्राथमिक स्वास्थ्य केन्द्रमा आयोजित सो रक्तदान कार्यक्रमको शुभाराम्भ वडा नं. ४ का वडाअध्यक्ष रामबाबु साहद्धारा गरेका थिए । विहान १० बजेदेखि शुरु भएको सो रक्तदान कार्यक्रममा जनप्रतिनिधी, चिकित्सक, युवा युवती, समाजसेवी, वुद्धिजिवी, नागरिक समाज, संचारकर्मी लगायतका व्यक्तिहरुले रक्तदान गरिएको कार्यक्रम संयोजक रश्मीश्री सिंहले बताईन । महोत्तरी युवा संजालको सहकार्यमा कार्यक्रमको आयोजना गरिएको संयोजक सिंहले जानकारी दिईन ।
महोत्तरी युवा संजालले यस महामारीको समयमा विभिन्न जनचेतना कार्यक्रम गर्दै आएका छन भने वर्तमान परिवेशमा रगतको अभाव नहोस भन्ने उद्देश्यका साथ यो कार्यक्रमको आयोजना गरिएको महोत्तरी युवा संजालका अध्यक्ष चुडामणि यादवले बताएका छन । दस वटा स्थानिय तहमा युवा संजाल गठन भइसकेको र वाँकी रहेको स्थानमा चाँडै नै युवा संजाल गठन गरिने अध्यक्ष यादवले जनाएका छन ।
गौशालाका युवाहरुले गरिएको कार्यले यहाँका आमजनमानसमा थप उर्जा मिल्ने गौशाला नगरपालिकाकी उप प्रमुख आशा लामाले बताईन ।
कार्यक्रमकाबीच संजालले विभिन्न व्यक्तित्वहरुलाई सम्मान गरेका थिए ।
