प्रतीक्षा खबर
रामगाेपालपुर, जेठ २८ गते ।
भारतबाट आएका ५० जना यात्रु बोकेर क्वारेन्टिनमा जाँदै गरेको टिपर कर्णाली नदीमा खसेको छ ।
कालीकोटमा जिते बजारबाट यात्रु लिएर हिडेको टिपरले उनीहरुलाई रासकोट नगरपालिकाको क्वारेन्टाइनमा लाँदै थियो।
कर्णाली करिडोर अन्तर्गत लालिगा भीरबाट टिपर नदीमा खसेको हो । केही यात्रु हाम फालेर नदीमा खसेका थिए । उनीहरुलाई नदीबाट निकालिएको छ ।
करिब ३० भन्दा धेरै हराइरहेको अनुमान गरिएको छ । प्रहरी घटनास्थलतर्फ गइरहेको छ । दुर्घटनाको बिस्तृत विवरण आइसकेको छैन्।
