प्रतीक्षा खबर
रामगाेपालपुर, जेठ ८ गते ।
नेपाल थप १७ जनामा कोरोना भाइरसको संक्रमण पुष्टि भएको छ । योसँगै कूल संक्रमितको सङ्ख्या ४४४ पुगेको छ ।
विपी कोइराला स्वास्थ्य विज्ञान प्रतिष्ठान धरान, प्रादेशिक जनस्वास्थ्य प्रयोगशाला विराटनगरमा गरिएको परीक्षणमा पुष्टि भएको बिहिवार स्वास्थ्य तथा जनसंख्या मन्त्रालयले जनाएको छ ।
झापाको कचनाकवल गाउँपालिकामा १५ जनामा कोरोना भाइरस संक्रमण पुष्टि भएको छ । कचनाकवल गाउँपालिकाको वडा नम्बर ३, ६ र ८ मा कोरोना संक्रमित फेला परेका हुन् । उनीहरु १८ वर्षदेखि ४६ वर्ष उमेर समूहका पुरुषहरु हुन् ।
यसैगरी धनकुटा निवासी ३४ वर्षीय पुरुष र सुनसरीको धरान उपमहानगरपालिका निवासी ५१ वर्षीया महिलामा पनि कोराना पुष्टि भएको स्वास्थ्य तथा जनसंख्या मन्त्रालयका सहप्रवक्ता डा समिर कुमार अधिकारीले जानकारी दिए ।
